Mudemos o sistema, non o clima!

Faino defendendo os tres “c” do principio da Xustiza Climática: contracción (redución) das emisións mundiais; converxencia nas emisións por habitante; e compensación dos gobernos e transnacionais que son responsábeis da crise climática aos que sufren as súas consecuencias.

Este evento desenvólvese paralelamente ao de centos doutras cidades do planeta e en coordenación coa manifestación desenvolvida esta mañá en Copenhage.

A mudanza climática é a cara máis preocupante dunha crise socioambiental global que afunde as súas raíces no produtivismo e no consumismo. Un problema cuxos principais responsábeis son os gobernos e as transnacionais dos países enriquecidos, xunto coas institucións internacionais do Banco Mundial, o Fondo Monetario Internacional e a Organización Mundial do Comercio, mais que golpea primeiro e máis forte ás persoas máis pobres.

Con esta acción, a Rede Galega Anticapitalista demanda:

• Unha redución do 40% das emisións dos países desenvolvidos en 2020 a respecto dos niveis de 1990. Esta diminución deberá realizarse no territorio de cada país, sen recorrer aos mercados de carbono. Para metade de século a redución das emisións debería ser do 100%, a adopción por parte da Xunta e dos Concellos de planos para reducir drasticamente as emisións galegas de gases de invernadoiro. As nosas emisións por habitante de CO2 procedente da queima de combustíbeis fósiles son dúas veces e media superiores ás chinesas e multiplican case por nove as da India.
• Unha rápida e potente implementación de solucións apropiadas á crise climática, como o aforro enerxético; o desenvolvemento das enerxías renovábeis de forma descentralizada e respectuosa co territorio para substituír os combustíbeis fósiles; a promoción dos modos transporte sustentábel e a desincentivación dos que non o son; a soberanía alimentar e a agroecoloxía; ou o consumo responsábel. Rexeitamos solucións falsas e contraproducentes como a enerxía nuclear, os agrocombustíbeis ou as plantacións de eucalipto. O financiamento e a transferencia de tecnoloxía desde os países enriquecidos aos empobrecidos para que constrúan economías baixas en carbono, se adapten aos efectos negativos da mudanza climática que xa son inevitábeis e reduzan a deforestación.

Estamos convencidos de que a salvación do clima non virá dun imposíbel “capitalismo verde”. O crecemento indefinido da produción e o consumo é inherente ao sistema económico capitalista e non pode ser soportado por un planeta finito. Estamos a chocar contra os límites ambientais. Para solucionarmos de forma efectiva e xusta o cambio climático e os demais problemas socioambientais, en último termo, é necesaria unha transformación radical do modelo de produción e consumo para tornalo equitativo e sustentábel. Iso implica que nos países enriquecidos debemos apostar polo decrecemento e abandonar a ilusión do “crecemento sustentable”.

prensa@redeanticapitalista.orgEste enderezo de correo-e está protexido contra spam bots, necesitas ter o Javascript activado para podelo ver

MANIFESTO

12 de decembro. Día de Acción Global contra a mudanza do clima

Mudemos o sistema, non o clima!

A mudanza climática é a cara máis preocupante dunha crise socioambiental global que afunde as súas raíces no produtivismo e no consumismo. Un problema cuxos principais responsábeis son os gobernos e as transnacionais dos países enriquecidos, xunto coas institucións internacionais do Banco Mundial, o Fondo Monetario Internacional e a Organización Mundial do Comercio, mais que golpea primeiro e máis forte ás persoas máis pobres.

Queda xa pouco tempo para prevenirmos unha mudanza climática catastrófica. O Cumio do Clima de Copenhague non pode fracasar, malia os intentos de boicot dos EUA. É urxente acadar un acordo legalmente vinculante de redución das emisións de dióxido de carbono (CO2) e outros gases causantes do cambio climático que substitúa o Protocolo de Quioto a partir de 2013. Pero non vale calquera acordo. Precisamos un que recoñeza a Débeda Climática dos países enriquecidos cos empobrecidos, causada polo seu exceso de emisións históricas e actuais desestabilizadoras do clima, débeda que fai parte da máis ampla Débeda Ecolóxica.

A Rede Anticapitalista únese desde Galiza á xornada global de mobilización contra a mudanza climática do 12 de decembro. Faino defendendo os tres “c” do principio da Xustiza Climática: contracción (redución) das emisións mundiais; converxencia nas emisións por habitante; e compensación dos gobernos e transnacionais que son responsábeis da crise climática aos que sufren as súas consecuencias.

A Rede Anticapitalista reivindica:

1. Unha redución do 40% das emisións dos países desenvolvidos en 2020 a respecto dos niveis de 1990. Esta diminución deberá realizarse no territorio de cada país, sen recorrer aos mercados de carbono. Para metade de século a redución das emisións debería ser do 100%.
2. A adopción por parte da Xunta e dos Concellos de planos para reducir drasticamente as emisións galegas de gases de invernadoiro. As nosas emisións por habitante de CO2 procedente da queima de combustíbeis fósiles son dúas veces e media superiores ás chinesas e multiplican case por nove as da India.
3. Unha rápida e potente implementación de solucións apropiadas á crise climática, como o aforro enerxético; o desenvolvemento das enerxías renovábeis de forma descentralizada e respectuosa co territorio para substituír os combustíbeis fósiles; a promoción dos modos transporte sustentábel e a desincentivación dos que non o son; a soberanía alimentar e a agroecoloxía; ou o consumo responsábel. Rexeitamos solucións falsas e contraproducentes como a enerxía nuclear, os agrocombustíbeis ou as plantacións de eucalipto.
4. O financiamento e a transferencia de tecnoloxía desde os países enriquecidos aos empobrecidos para que constrúan economías baixas en carbono, se adapten aos efectos negativos da mudanza climática que xa son inevitábeis e reduzan a deforestación.

Estamos convencidos de que a salvación do clima non virá dun imposíbel “capitalismo verde”. O crecemento indefinido da produción e o consumo é inherente ao sistema económico capitalista e non pode ser soportado por un planeta finito. Estamos a chocar contra os límites ambientais. Para solucionarmos de forma efectiva e xusta o cambio climático e os demais problemas socioambientais, en último termo, é necesaria unha transformación radical do modelo de produción e consumo para tornalo equitativo e sustentábel. Iso implica que nos países enriquecidos debemos apostar polo decrecemento e abandonar a ilusión do “crecemento sustentable”.

Convoca: Rede Galega Anticapitalista
A Rede Galega Anticapitalista somos Adega, Altermundo, Amarante, A Baiuca Vermelha, Asociación Cultural O Curruncho, Cemma, CGT-Pontevedra, CGT-Arousa Colectivo Ártabra 21, C.S. A Esmorga, Enxeñería Sen Fronteiras, A Gentalha do Pichel, Implicadas no Desenvolvemento, Médicos do Mundo, Marcha Mundial das Mulleres,  Ospaaal, Foro de Inmigración, Panxea, Ais ‘O Peto’, Sindicato Labrego Galego, Sinerxia, STEG (Sindicato e Traballadores e Traballadoras do Ensino de Galiza), Veciñ@s pola Tolerancia, Verdegaia, Véspera de Nada, Veterinarios sen Fronteiras, Whipala, A.C. Xermolos

Axúdamos a divulgar a convocatoria. Reenvía esta mensaxe aos teus contactos. Grazas!

Máis información no web do SLG

Desde hoxe 14 ata o 17 de xullo o Sindicato Labrego Galego e outras organizacións agrarias teñen convocadas tractoradas polas rúas do país.

A RA expresa o seu apoio a tales mobilizacións pois entende que se trata claramente da consecuencia de políticas sistémicas que persegue eliminar ás pequenas explotación e poñer toda a alimentación ao servizo das grandes compañías.

A RA solidarizase cos labregos e labregas galegas e amosa o seu apoio ao SLG que están a manter unha actitude de valentía e dignidade diante do illamento ao que os queren someter.

Compostela, ás 21:00 horas na praza do Toural
Lugo, ás 20:00 horas na Praza Maior
Ourense, ás 20:30 horas na rúa do Paseo
Pontevedra, ás 20:00 horas na praza da Peregrina
Vigo, por confirmar

Desde a RA estamos convencidos que é un acto antidemocrático (neste club non teñen voz os pobos do sur), inmoral (pretende normalizar a situación previa para seguir especulando), ilegal (estase axudando a banca sen abrir procesos xudiciais por malversación de fondos e estafa) e sobre todo suicida (se restaura o modelo a crise financeira pode ser infarto ecolóxico).

Estamos diante da primeira crise da globalización pero sendo central a crise financeira estamos diante dunha crise estructutural de dimensión múltiples crise de traballo, de acceso aos alimentos, enerxética, medioambiental e financeira. As solucións que nos impoñen desde o poder –máis libre comercio, máis cartos públicos para rescatar os bancos, o sector automobilístico e inmobiliario, máis oligopolios, máis transxénicos, etc.– tratan de esconder que a crise é produto do sistema capitalista e do neoliberalismo, que só afondarán os seus impactos sobre os pobos, as persoas e sobre o conxunto do planeta.

Namentres se quere refundar o capitalismo se trata de ignorar a crise mais importante: o sistema asentado artificialmente sobre un modelo consumista insostible ten como único soporte o endebedamento, mentres que o medre da brecha entre ricos e pobres, a precariedade, a invisibilidade dos traballos realizados dende sempre por mulleres e o desregulamento laboral son concibidos como algo consubstancial ao propio sistema, un medio máis para manter e incrementar os beneficios duns poucos en detrimento das persoas.

Os países do Sur, seguindo as directrices do FMI, BM e OMC, foron forzados a liberalizar as barreiras comerciais, desregular os mercados financeiros e laborais, privatizar as industrias nacionais, abolir os subsidios e reducir o gasto social e económico. Unha ortodoxia que os “ricos” incumpren cando interesa e agora máis ca nunca. As estimacións acerca da cantidade de cartos que os estados empobrecidos perden por fuga de capitais e expatriación de ingresos impoñibles varía de 350.000 millóns a 500.000 millóns de dólares ao ano.

O FMI calcula que as perdas directas da crise financeira provocará a entidades de todo o mundo un monto de 1,4 billóns de dólares, pero as perdas económicas globais estímanse moito maiores.

Mentres o Goberno español poderá chegar a investir ata 150.000 millóns de euros para axudar á banca, o que destina a axudas contra o desemprego é 170 millóns de euros.

Xa sabiamos que o liberalismo actual era unha gran mentira: subvencións e axudas ás multinacionais do Norte e fortes aranceis aos pequenos produtores e produtoras. A libre circulación de capitais existía pero a libre circulación de traballadores e traballadoras era freada por centos de valados e muros. Agora descubrimos algo “novo” tras as operacións dos gobernos por rescatar os beneficios da banca: o liberalismo consiste na legalización do roubo.

É HORA DE ACTUAR

En xeral, a esquerda institucionalizada abandonou hai tempo os seus programas de transformación social, ben porque non quere ben porque non é quen de levar adiante propostas de cambio.

Somos os movementos sociais e as cidadanías de diferentes rexións do mundo os que temos dado a cara diante da incertidume. Primeiro poñendo en marcha un movemento de resistencia diante dos diferentes cumios dos amos do mundo. Segundo, xerando espazos de reflexión en diversos foros sociais. E, de seguro, artellando propostas programáticas de cambio como xa o están a facer as organizacións sociais e movementos cidadás en diversas partes do mundo.

Os movementos sociais e organizacións cívicas galegas coincidindo coas reflexión plantexadas no foro de Belem o pasado xaneiro temos decidido non so propor alternativas ou mobilizarnos senón artellar unha rede para a mobilización global que teña como elementos vertebradores:

• Unha iniciativa plural e aberta a todas aquelas persoas e colectivos que queren impulsar un proxecto de cambio estratéxico sistémico.
  Unha aposta transversal. Un dos grandes logros do sistema é a fragmentación de loitas. Faise necesario artellar redes globais e transversais de cambio.
• Unha opción programática que teña como piares a radicalidade democrática, o modelo económico sustentable ao servizo das persoas en harmonía coa natureza e a xustiza social global. Unha proposta que busque solucións reais no decrecemento, a sustentabilidade e a soberanía alimentaria.

A crise económica mundial podemos e debémola converter nunha oportunidade histórica de transformación.
Formamos parte da RA organizacións que levamos anos combatendo as consecuencias do modelo inxusto, a pobreza e a destrucción do hábitat pero que agora queremos tamén combater conxuntamente as causas: e a causa e o capitalismo.

“NON IMOS PERMITIR QUE REFUNDEN O CAPITALISMO, MELLOREN OS SEUS BENEFICIOS E PISEN OS NOSOS DEREITOS.”

Dende a Rede Anticapitalista queremos convidar á sociedade galega a solidarizarse coas organizacións agrarias, centrais obreiras, feministas, sindicalistas, organizacións maxisteriais, estudantes, enfermeiras e outros sectores populares do país que conforman a Fronte de Resistencia Popular de Honduras, creada tras o golpe de estado de Roberto Micheletti.

Dende a RA! Asumimos que os movementos sociais que están apoiando ao presidente Zelaya non o fan porque estean de acordo cos preceptos do seu partido (en Honduras pouco máis dunha ducia de familias concentran o poder económico e político), senón porque mediante as protestas que se están a acontecer en Honduras a poboación está a amosar o seu rexeitamento cara o actual modelo económico neoliberal, o substentado por  oligarquías e multinacionais,  e  que non permite aos pobos a liberdade de decidir as súas propias políticas de desenvolvemento. Para acadar un mínimo de participación cidadá en Honduras, a día de hoxe, precisa cambios sociais.

Dende o punto de vista dos hondureños e hondureñas que se están a manifestar baixo unha fortísima represión militar dende o pasado 30 de xuño, a proposta de Zelaya supoñía “abrir esta fenda para que os pobos academos a nosa emancipación (1) ”.

(1) Wendy Cruz, dirixente labrega da Vía Campesina en Honduras

VINDEIRAS CONVOCATORIAS DA REDE ANTICAPITALISTA EN SOLIDARIEDADE COS MOVEMENTOS SOCIAIS DE HONDURAS:

A CORUÑA. Venres 3 de xullo. 20.00hrs. OBELISCO
OURENSE (axiña informaremos)

O TEXTO ARRIBA ESCRITO PODÉDELO ENVIAR AOS ENDEREZOS ELECTRÓNICOS DA EMBAIXADA HONDUREÑA EN ESPAÑA, E AO DO XENERAL GOLPISTA ROBERTO MICHELETTI

TEMOS QUE ENCHER AS SÚAS CAIXAS DE CORREO DE REPUDIO!!!
EMBAIXADA HONDUREÑA EN ESPAÑA
info@embahonduras.es
GOVERNO GOLPISTA HONDUREÑO
robertomicheletti@congreso.gob.hn

Concentración no Consulado de Honduras na Coruña

Compartimos a valoración que fai a Via Campesina de que estes feitos son accións desesperadas da oligarquía nacional e a dereita por preservar os seus intereses do capital e en especial o das grandes empresas transnacionais, polo que fai uso da forza militar e das institucións do país como o Parlamento, ministerios, prensa neoliberal e outros.

1. Dende a RA! sumamonos as demandas feitas pola Vía Campesina, que son:
2. Reestablecemiento da orde constitucional, sen derramamento de sangue.
3. Chamamos ao Exercito que non reprima á poboación de Honduras que esixe o retorno da democracia.
4. Que se respecte a integridade física dos dirixentes sociais, incluíndo a Rafael Alegría, dirixente internacional da Vía Campesina.
5. Esiximos o retorno do Presidente Zelaya ás súas funcións en Honduras.
6. Que as autoridades garantan en pleno exercicio democrático da consulta popular, enquisa a calquera forma de expresión libre.

A reacción na Galiza:

O posicionamento da sociedade galega ten que ser claro e rotundo, esixindo a restauración democrática co presidente eleito Manuel Zelaya, así como presionar aos estamentos institucionais, Xunta de Galiza, Consulado honorífico Hondureño n´A Coruña, Ministerio de Exteriores do Reino de España, Governo do Reino de España; en que se tomen as medidas de presión necesarias.

Do mesmo xeito, a Ra! colaborará nas vindeiras horas coa necesaria presión internacional concentrándose diante do consulado honorífico de Honduras na Coruña, cuestión da que informaremos máis endiante.

Para enviar protestas ao Consulado: Consulado na Coruña: Marco Criado López C/Monforte Nº 11 5 Derecha. Tel: 981 235 877 mcriado@icacor.es

A RA! (Rede Anticapitalista) e os colectivos e as persoas que a conforman asinamos o manifesto elaborado polo Foro da Inmigración, e aprobado na recén celebrada ASEMBLEA GALEGA DE MIGRANTES E EMIGRATES RETORNADOS, contra o anteproxecto da reforma de Lei de Estranxeira, que supón un ataque frontal contra os dereitos humanos e persegue dificultar á vida as persoas migrantes. Asemade, imos participar e apoiar coa nosa presenza a manifestación que en favor dos dereitos dos inmigrantes vaise a celebrar en Compostela o sábado 27 de xuño á partir das 12,00 horas en Compostela (dende a Alameda ás Praterías).Galeg@s polo mundo… e sen papeis

Entre 1910 e 1980 un total de 1.202.269 galegos e galegas emprenderon a aventura bíblica, como escribira Xosé Manuel Beiras, da emigración, sobre todo a transoceánica. A sangría foi especialmente dura durante as tres primeiras décadas do século XX, nas que cada ano marchaban da terra nosa case 37.000 persoas, na súa meirande parte hacinadas nos barcos de grandes empresas, como as Compañías Hamburguesas, que recalaron nos nosos portos por mor dos gorentosos ingresos que xeraba a obrigada emigración.

42 de cada 100 persoas que abandonaron o Estado español nas primeiras oito décadas do século antedito eran galegas. Non é pois de extrañar que “galego” sexa sinónimo de “español” en media América Latina. Asemade, a cuestión foi especialmente grave se temos en conta que a poboación galega nunca superou o 10% da poboación do estado español. O país quedou deserto.

Galiza “exportou”, xa que logo, máis dun millón de sen papeis a moitísimos países do mundo. Xentes que por mor das súas miserábeis condicións de vida foron recibidas por outras alén dos mares. Tería sobrevivido o pobo galego ao século XX sen a axuda de quen nos recibiu?

Agora, cunha preocupante e reprobábel desmemoria, e o que é peor, cunha noxenta falta de sensibilidade, soan laídos contra quen por necesidade nos pide axuda para que as súas familias, esmagadas por un sistema de libre comercio no que as accións de bolsa son máis importantas cás vidas, poidan sobrevivir. As institución da UE, ben apoiadas polo Estado español, viran á dereita para dar cabida a formacións de ultradereita que fomentan o odio ás persoas migrantes. CÓMPRE RECUPERAR A MEMORIA. TOD@S SOMOS SEN PAPEIS.

Estase a producir, conicidindo con está crise que serve de escusa para reducir os avances sociais conqueridos por décadas de loita da cidadanía, un retroceso nos dereitos das persoas inmigrantes (claro exemplo diso é a construcción da Europa fortaleza e o chamado tratado da vergoña, que criminaliza as persoas máis vulnerábeis do planeta). No Estado español, o anteproxecto da reforma de lei de estranxeira supón un ataque aos dereitos humanos e persegue sancionar á vida as persoas migrantes. Ninguén emigra por pracer.

Por todo isto, facemos un chamamento á cidadanía galega para que se manifeste polos dereitos das persoas migrantes este sábado 27 de xuño en Compostela. Porque é de xustiza.

Tamén en Europa

Ao tempo, as redes coas que a RA! ten alianzas, están tamén a desenvolver accións en toda Europa. A RA! tamén apoia o CAMPAMENTO EUROPEO ‘NO BORDERS, NO NATIONS’, que ten lugar en Calais (Francia) do 23 ao 29 de xuño. Polo dereito de libre circulación das persoas e pola abolición das fronteiras e os controis migratorios. + INFO: calaisnoborder.eu.org

MANIFESTO DO FORO GALEGO DE INMIGRACIÓN

Ante o acoso policial que estan sufrindo a poboación inmigrante en situación irregular e as persoas que lles prestamos apoio solidario, afirmamos que a solidariedade con este colectivo é unha conduta que ennobrece a quen a practica e unha obriga moral por razóns de reciprocidade histórica. Lembremos que entre 1959 e 1973, dous millóns e medio de cidadáns e cidadás españolas emigraron a Europa, sendo a maioría emigrantes irregulares ou sen contrato de traballo.

Tampouco podemos esquecernos da débeda contraída cos países empobrecidos, que ten a súa orixe no período colonial, mais que segue perpetuándose a día de hoxe a través de políticas internacionais que poñen os intereses económicos das nacións desenvolvidas por riba do dereito das persoas a poder vivir e traballar dignamente, ensanchando deste xeito a fenda de desigualdade entre os pobos.
Ao tempo, as guerras, os conflitos armados e a persecución política xeran millóns de persoas refuxiadas e desprazadas no mundo (concretamente, 37,4 millóns no pasado ano segundo os datos de ACNUR). É, por tanto, un deber ético evitar que calquera persoa inmigrante sexa deportada e enviada de novo á situación da que vén fuxindo.

Rexeitamos que a Unión Europea se converta nunha fortaleza inexpugnábel para aquelas persoas que, na procura dunha vida mellor, se ven obrigadas a abandonar o seu país. En épocas aínda recentes, era a cidadanía europea a que buscaba o sustento noutras latitudes. En Galiza, nomes como Curros Enríquez, Celso Emilio Ferreiro ou Daniel Castelao van unidos á emigración ou ao exilio.

Rexeitamos o Anteproxecto de Reforma da Lei de Estranxeiría que, aínda que presenta algúns aspectos positivos, incorpora puntos que representan un claro prexuízo para os dereitos fundamentais do colectivo inmigrante, como a posibilidade da repatriación de menores de idade; o endurecemento das esixencias para a reagrupación familiar; a criminalización da solidariedade ou o intolerable incremento do periodo de estancia nos centros de internamento.

Rexeitamos de igual modo a incentivación do retorno da poboación inmigrante mediante o pago acumulado das prestacións de desemprego. As e os inmigrantes debemos ser tratadas como persoas e non só como forza de traballo que interesa unicamente cando a situación económica nos necesita.
Finalmente, afirmamos con rotundidade que a inmigración é un proceso beneficioso. Non só supón unha gran achega económica por tratarse dunha poboación moi nova que contribúe co seu esforzo laboral a financiar as prestacións sociais, senón que o contacto entre as sociedades de acollida e as culturas foráneas implica sempre un mutuo enriquecemento humano.

Segundo os últimos datos do Instituto Nacional de Estatística, publicados en xaneiro de 2009, polo menos unha de cada 10 persoas que habitan no estado español é inmigrante. Estas persoas son as nosas veciñas, compañeiras de traballo ou de estudos; comparten conosco unha grande variedade de espazos e polo tanto é máis que probable que na nosa vida cotiá escoitáramos da súa propia voz a reivindicación que hoxe impulsa este manifiesto:

“As persoas inmigrantes somos partícipes activas desta sociedade, non buscamos ser máis nin menos que ninguén, só pretendemos que na nosa condición de cidadás e cidadáns teñamos os mesmos dereitos e oportunidades que os demais membros desta comunidade”. E por iso queremos dicir ben alto: “Dereitos iguais para todos e todas”.

E POR ISO QUEREMOS DICIR BEN ALTO: “DEREITOS IGUAIS PARA TOD@S”

+INFORMACIÓN: O Foro Galego de Inmigración é unha asemblea aberta, composta por unhas 80 asociacións de inmigrantes e entidades de carácter social, sindical e político de toda Galiza. http://forogi.wordpress.com

A RA! tamén quere denunciar que, a diferencia de hai 10 anos, onde os tres grupos existentes daquela na oposición fixeron acto de presenza con cargos institucionais respaldando as tractoradas, desta vez ningún partido da oposición fixo acto de presenza. Un motivo máis para reforzar a RA como instrumento estratéxico de loita.

As vindeiras accións da Ra! Terán que ver cos dereitos das persoas migrantes e contra o G8.

INICIATIVA APOIO AS PERSOAS INMIGRANTES – MANIFESTACIÓN 27 XUÑO
Estase a producir, conicidindo coa crise, un retroceso nos dereitos das persoas inmigrantes (claro exemplo diso é a construcción da Europa fortaleza e o tratado da vergoña).
No estado o anteproxecto da reforma de lei de estranxeira supón un ataque aos dereitos humanos e persigue dificultar á vida as persoas migrantes.
A RA!, e os colectivos e as persoas que a conforman, imos a asinar o manifesto elaborado polo Foro da Inmigración aprobado na recen celebrada ASEMBLEA GALEGA DE MIGRANTES E EMIGRATES RETORNADOS contra dito anteproxecto. Asemade, imos participar e apoiar a manifestación que en favor dos dereitos dos inmigrantes vaise a celebrar en Compostela o sábado 27 de xuño á partir das 12,00 horas en Compostela.

MOBILIZACIÓN CONTRA O CUMIO DO G-8 – XOVES 9 DE XULLO
A RA! organizará ACTOS RA-VOLUCIONARIOS o próximo xoves 9 de xullo ás 20,00 horas, cando menos en A Coruña, Compostela, Lugo, Ourense, Pontevedra e Vigo, coincidindo co vindeiro cumio do G-8. Ditos actos serán concentracións de protesta pero que teñan un toque orixinal (performace ou outra actividade chamativa). Non imos permitir que refunden o Capitalismo, melloren os seus beneficios e pisen os nosos dereitos.

Algunhas webs cos tractores da Ra!:
http://www.sindicatolabrego.com/
http://www.encontroirmandinho.org/
http://www.verdegaia.org/
http://www.adega.info/
http://www.altermundo.org/
http://www.amaranteong.org/
http://galicia.isf.es/
http://panxea.org/panxeablog/
http://vesperadenada.org/
http://www.xornalgalicia.com/index.php?name=News&file=article&sid=55011
http://www.blogoteca.com/nasa/index.php?cod=64999
http://underibeira.blogspot.com/
http://cuartos.blogaliza.org/
http://onaranxo.org/?p=2371
http://masoucos.com/
http://arceibe.blogspot.com/
http://www.moendo.net/
http://eirado.org/
http://www.redesescarlata.org/
http://masacriticalugo.blogspot.com/
http://insurxente.blogspot.com/
http://seioque.com/
http://randulfe-parrillada-randulfe.blogspot.com/
http://www.mandacarallo.net/
http://www.feminismo.info/webgalego/
http://www.udc.es/dep/lx/cac/sopirrait
http://www.udc.es/dep/lx/cac/vo
http://www.udc.es/dep/lx/cac
http://www.galizasentransxenicos.org/
http://pueblosenlucha.blogspot.com
http://www.blogoteca.com/moitoconto/
http://www.blogteca.com/nasa
http://colheafouce.blogspot.com/
http://sementeira.org/
http://www.casdeiro.info/patada
http://www.codigocero.com/Convocan-unha-tractorada-virtual
http://chuza.org/historia/tractorada-virtual-da-ra-en-apoio-a-do-slg/

Podes ollar máis ligazóns nos comentarios desta nova

Entre as diversas accións que poñeremos en marcha desde a RA estará a realización dunha tractorada virtual, unha maneira ciberactivista de trasladarmos a Internet o efecto da ocupación do espazo público polos tractores. Consistirá en levar a presenza dun tractor a todas as páxinas das entidades que forman a RA e mais ás de todos os internautas galegos que apoien a convocatoria dos nosos agricultores e gandeiros, de tal xeito que o día 17 haxa tractores enchendo non soamente as estradas do país senón tamén as estradas da información, facendo que todo internauta que ese día visite as páxinas que se unan á tractorada tamén se tope cos tractores.

Os que queiran sumarse á tractorada abondará con pegaren o seguinte código nas súas páxinas (xusto antes da etiqueta </BODY>, ao final da páxina) despois das 00:00 h do mércores 17 de Xuño:

<!-- Comeza código TRACTORADA que copiares -->
<script language="JavaScript">
var obx = null;
function movete() {
if (parseInt(obx.style.left) > document.body.clientWidth) {
obx.style.left = '-700px'
} else {
obx.style.left = parseInt(obx.style.left) +4+'px';
}
setTimeout(movete,50);
}
function init() {
obx = document.getElementById('tractor');
obx.style.left = '-700px';
obx.style.top = '200px';
movete(); // start animating
}
window.onload = init;
</script>
<div id="tractor" style="position:absolute;left:-324;top:200;z-index:2">
<a href="http://www.sindicatolabrego.com/" target="_blank" title="TRACTORADA en defensa do PREZO do LEITE!!!! Fai click para co&ntilde;ecer a loita dos nosos gandeiros!!">
<img src="http://www.redeanticapitalista.org/tractor-tractorada.gif" border="0" /></a>
</div>
<!-- Remata código que copiar -->


Enchamos de tractores a WWW galega o día 17!!